ဤစာမူသည် အမျိုးသားရေးဝါဒီဆရာတော် အရှင်ဝီရသူ မြစ်ကြီးနားထောင်မှာနေရစဉ် ထောင်ဝင်စာ လာတွေ့သော တပည့်လေး အရှင်သုမင်္ဂလထံရေးပို့သောစာမူဖြစ်ပါသည်။ အပတ်စဉ်ဖော်ပြသွားပါမည်။
အယ်ဒီတာအဖွဲ့
သူခိုးကိုယ်တော်လေး
မစိုးရိမ်တိုက်သစ်မှ မူးဆူတစ်ပါး အကြောင်းပြောရင်းနဲ့ တစ်လက်စ တည်း မစိုးရိမ် '၂၉၅' အကြောင်းတွေ ဆက်ပြောချင်သေးတယ်။ သူက ကိုရင်ကြီး။ အဓိပတိကျောင်းကပါ။
ထုံးစံအတိုင်း မစိုးရိမ်တိုက်သစ်မှာ နာယကဘယ်နှစ်ပါးရှိလဲ။ ဝါဆို သံဃာဘယ်လောက်ရှိလဲ။ ဘယ်အတန်းလဲ။ ဘယ်စာဝါကို ဘယ်ဆရာထံမှာ လိုက်ရလဲ။ အဓိပတိကျောင်း နာယက ဘယ်သူလဲ။ ဘယ်သူ့ကိုသိလား၊ ဘယ်ကျောင်းဆောင်က ဘယ်နားမှာလဲ စုံနေအောင် မေးရတာပေါ့။ သူကလည်း ဖြေဆိုနိုင်ပါတယ်။ ဘုန်းဘုန်းကိုလည်း သိတယ်။ ဘုန်းဘုန်း ကျောင်းက စာကြည့်တိုက်က ဘယ်လိုဘယ်ညာစသည် အကုန်ပြောနိုင်တယ်။
သူကအရက်မှုတော့ မဟုတ်ပါဘူး။ ရဟန်းခံခါနီး ရှင်လိင်ပြန်တာ။ ရွာကိုမပြန်ဘဲ စစ်ကိုင်းကိုသွားတာ။ ကာလာချိန်း၊ ဆံပင်တုတပ်။ ဆိုင်ကယ်စီးပြီး လူပျိုလှည့်တာတဲ့။ အက်ဆီးဒင့် (accident) ဖြစ်ပါလေရော။ ရဲစခန်းက လိုက်စုံစမ်းတော့ ဆိုင်ကယ်ကလည်း လိုင်စင်မဲ့ ဖြစ်နေပြန်ရော။ ပုံမှန်ဆိုရင်တော့ နှစ်အများကြီးကျမှာပေါ့။ ရဟန်းဒကာ၊ ဒကာမတွေက ကောင်းတော့ ငွေလိုက်နိုင်တာနဲ့ပဲ '၂၉၅'ဖြစ်သွားတာ။
ဘုန်းဘုန်းအပေါ်မှာတော့ တကယ့်နာယကတစ်ပါးကို တကယ့်စာသင်သားတစ်ပါးက ချစ်ကြောက် ရိုသေသလိုပါပဲ။ လေးစားသမှု အတော်ရှိပါတယ်။ ရောက်လာရင် ရှိခိုးဦးချ၊ ပြန်ခါနီးလည်းရှိခိုးဦးချ၊ လမ်းတွေ့ရင်လည်း လက်အုပ်လေးချီ နှုတ်ဆက်နဲ့ပေါ့။ သူ့ရဟန်းဒကာ၊ ဒကာမလောင်းတွေကလည်း ထောင်ဝင်စာတောင် လာတွေ့ရှာတယ်။ သူ့အပေါ်သံယောဇဉ် အတော်ရှိပုံရတယ်။
ဘုန်းဘုန်းက သူ့အတွက် အစစအရာရာ စီစဉ်ပေးထားတယ်။ ဘုန်းဘုန်းနဲ့ အမှုတွဲ အစ်ကိုဝမ်းကွဲ နောင်တော် ဦးဝင်းမောင်ကလည်း ဘုန်းဘုန်းမျက်နှာနဲ့ သူ့ကို အတော်ဂရုစိုက်တယ်။ လိုလေသေးမရှိပဲ။ ဒါပေမဲ့ ဒီကိုယ်တော်လေးက အကျင့်မကောင်းဘူး။ ခိုးတတ်တဲ့အကျင့် ညာဉ်ရှိတယ်။
ဂျာနယ်တွေ ခိုးခိုးသွားတာ အဟောင်းဆိုရင် တော်သေးတယ်။ အသစ်စက်စက်ကြီးတွေ ပျောက်ပျောက်သွားတာဆိုတော့ မခံနိုင်ကြတော့ဘူးလေ။ သူမှန်းသိပေမယ့် ဘုန်းဘုန်းမျက်နှာနဲ့ ဘာမျှမပြောကြပါဘူး။ နောင်တော်ကြီး ဦးဝင်းမောင်ကတော့ ပွင့်ပွင့်လင်းလင်းပြောပြီး တားမြစ်ရှာတယ်။
သူများဟာတွေ ခိုးမဖြစ်တော့ ဘုန်းဘုန်းဘက် လှည့်လာတယ်။ ကော်ဖီမစ်တွေ ခိုးတယ်။ ဟင်းတွေ ခိုးတယ်၊ အကြော်အလှော်တွေ ခိုးတယ်။ ဘုန်းဘုန်းက ရိပ်မိပေမယ့် မပြောရက်ခဲ့ဖူး။ ကပ္ပိယကို ပြောထားရတာပေါ့။ ဘုန်းဘုန်းမရှိခိုက် အခန်းစောင့်ဖို့၊ သူလာရင် အခန်းထဲမှာပဲ နေဖို့၊ သူလိုအပ်တာရှိရင် ပေးလိုက်ဖို့ပေါ့။
ဒီလောက်ပေးကျွေးထားတာတောင် မငဲ့ဘူးပဲ။ ဘုန်းဘုန်းနဲ့ ကပ္ပိယ အလစ်ကိုချောင်းပြီး ခိုးတော့တာပဲ။ သူက ခိုးယူပြီးအထွက် ကပ္ပိယက အဝင် လက်ဆုတ်လက်ကိုင်၊ လက်ပူး လက်ကြပ်ကိုမိသွားတော့တာ။ ကပ္ပိယက ဘာမျှမပြောပေမယ့် ဒီကိစ္စက အတော်ကြီးကျယ်သွားတယ်။
သီးသန့် အကျဉ်းသားတွေရဲ့ အခန်းထဲ ဝင်ခွင့်မရှိဘူးလေ။ စာထိုင်ဖတ်တာ၊ ထမင်းဝင်စားတာ၊ ဟင်း ဝင်တောင်းတာတောင် လွန်လှပြီ မဟုတ်လား။
နိုင်ငံရေးအကျဉ်းသား တစ်ယောက်က မဖြစ်တော့ဘူး။ ထောင်မှူးကို သတင်းပို့မှပဲ ရတော့မယ်ဆိုပြီး ရုံးသွားတိုင်လိုက်တော့၊ ထောင်မှူးက စစ်ပါလေရော၊ သူက သူ့လက်ထဲမှ မုန့်ထုပ် (မေမြို့ပဲစိမ်းကြော်)ကို ဘုန်းဘုန်းက ပေးလိုက်လို့ယူလာ တာပါလို့ ထွက်ဆိုတယ်။ ထောင်မှူးက ဘုန်းဘုန်းထံ လူလွှတ်မေးခိုင်းတော့ ဘုန်းဘုန်းက 'မပေးပါဘူး။ လူမရှိတုန်း ဝင်ယူသွားတာ ကပ္ပိယနဲ့တွေ့မှ မိတာပါ'လို့ ဖြေလိုက်ရတယ်။ ဒါပေမဲ့ 'ရိုက်တော့ မရိုက်ကြပါနဲ့ကွာ' ဘုန်းဘုန်းက မေတ္တာရပ်ခံလိုက်တယ်။ ထောင်ထဲမှာ ခိုးမှုတွေကတော့ မဆန်းကြပါဘူး။ ဒါပေမဲ့ ဒီကိုယ်တော်လေး အမှုကတော့ အတော်ဆန်းသွားတယ်။
ဝီရသူ(မစိုးရိမ်)(ဆက်လက်ဖော်ပြပါမည်)
အတုမရှိ အတွဲ(၃) အမှတ်(၁၈)
