့ပြည်သူ့အစေခံ အဖြေမှန်ရေး(၃၃) (လူပျိုဟန်ဆောင် လိမ်လည် လက်ထပ်မှု-ရန်ကုန် သာကေတ)

စာရောက်တာတော့ သုံးလေးရက်ရှိပါပြီ။ ခရီးထွက်နေလို့ ဒီနေ့မှ ဖတ်ဖြစ်တာပါ။ အမြန်ချောပို့စနစ်နဲ့ ပေးပို့တာပါ။ သူမတို့နှစ်ယောက် လက်ထပ်တဲ့ ရက်စွဲတော့မပါပါဘူး။ ၂၀၁၅ သြဂုတ်လ ၃၁ ရက်၊ ဒီမှာဘက်ပိုင်းဆိုရင်တော့ တစ်လင်တစ်မယားစနစ်နဲ့ အရေးယူလို့ရပါတယ်။ အခု ၄၁၇ (လိမ်လည်မှု) နဲ့ အရေးယူခံထားရသူက ကြားဖြတ်ရွေးကောက်ပွဲဝင်မည့်သူဖြစ်နေလို့ အမှုဖျောက်ဖျက်ပစ်မှာ စိုးရိမ်နေရှာတာပါ။

မိတ္တူတွေပို့ထားတဲ့ နေရာတွေကတော့ အဖွဲ့ချုပ်တွေရော မဘသ အဖွဲ့ရော စုံလို့ပါပဲ။

တရားဥပဒေစိုးမိုးရေး ဦးစားပေးတဲ့ခေတ်မှာ တရားဥပဒေမဲ့ ပြုကျင့်ခံရမှာ စိုးရိမ်နေတဲ့ ပြည်သူတွေလည်း ရှိသေးတယ်ဆိုတာ သိစေချင်တာပါ။ တရားဥပဒေစိုးမိုးရေးမယ်တော်ကြီး ကယ်မ တော်မူနိုင်ပါစေဟုသာ ဆန္ဒပြုလိုက်ရပါတော့တယ်။

ဝီရသူ-မစိုးရိမ်
3.12.2016
8:45 PM
------------------------------------------------------------------------------------------

သို့
ဆရာတော်ဦးဝီရသူ
မစိုးရိမ်တိုက်သစ်၊ မန္တလေး
နေ့စွဲ၊ ၂၀၁၆ ခုနှစ်၊ ဒီဇင်ဘာလ (၁)ရက်
အကြောင်းအရာ။ ။ လိုအပ်သလို စုံစမ်း စစ်ဆေး အရေးယူပေးပါရန် တင်ပြခြင်း။
ကျွန်မ မစန်းစန်းအေး၊ အမှတ်(၁၀၅) အနော်မာ(၁၀)လမ်းအနောက်၊ ၁/အနော်မာရပ်ကွက်၊ သာကေတမြို့နယ်နေထိုင်သူမှ အောက်ပါအတိုင်း တင်ပြအပ်ပါသည်။

ကျွန်မအား ဒေါပုံမြို့နယ်၊ ကြည်စုရပ်ကွက်၊ ကန်သာယာ(၁)လမ်း၊ အမှတ်(၃၁၁)နေ ဦးမြစိန် (၁၂/းပန(နိုင်)၀၁၅၆၂၉)မှ ၄င်းတွင် ဇနီးရှ်ိပါလျက် ဇနီးမရှိဟု လိမ်လည်ပြောဆို ပေါင်းသင်းခဲ့ပါသည်။ ထို့နောက် ဦးမြစိန်သည် (၂၃.၁၀.၂၀၁၆)ရက်နေ့မှ စတင်၍ ကျွန်မအား နစ်နာကြေး (၁၀)သိန်းထုတ်ပေး၍ ၄င်းနှင့် မပတ်သက်ရန် ပြောဆိုခဲ့ပါသည်။

ယင်း အပြုအမူများအပေါ် ကျွန်မက သက်ဆိုင်ရာသို့ တိုင်ကြားမည်ပြုလုပ်သည့်အခါ ဦးမြစိန်မှ ၄င်း၏ သားမက်ဖြစ်သူ ဗိုလ်မှူးဆိုသူ၏ အရှိန်အ၀ါကိုသုံး၍ လူများလွှတ်ပြီးခြိမ်းခြောက်ခြင်း၊ ၄င်း၏ ယောက်ဖဖြစ်သူ တစည လွှတ်တော်ကိုယ်စားလှယ်ဟောင်း ဦးသောင်းစိန်(ဒေါပုံ)မှ တစ်ဆင့် ခြိမ်းခြောက်ခြင်းများ အမျိုးမျိုးပြုလုပ်ခဲ့ပါသည်။

ကျွန်မမှ ယင်းကဲ့သို့ ပြုမူမှုအပေါ် ကျေနပ်မှုမရှိ၍ သာကေတမြို့နယ် တရားရုံးတွင် ရာဇ၀တ်ကြီးအမှုအမှတ်- ၁၁၂၀/၂၀၁၆ ဖြင့် တရားစွဲဆိုခဲ့ရာ ၄င်းအပေါ် သာကေတမြို့နယ် တရားရုံးမှ ရာဇသတ်ကြီးဥပဒေပုဒ်မ - ၄၁၇ ဖြင့် အရေးယူထားပါသည်။ (သမ္မာန်စာ မိတ္တုအား ပူးတွဲတင်ပြပါသည်။)

ကျွန်မသိရှိရသည်မှာ ဦးမြစိန်အား အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော် ကိုယ်စားလှယ်လောင်း (ဒဂုံမြို့သစ်ဆိပ်ကမ်းမြို့နယ်) အတွက် ၂၀၁၇ ကြားဖြတ်ရွေးကောက်ပွဲတွင် ၀င်ရောက်အရွေးခံရန် ဆောင်ရွက်ထားကြောင်း သိရှိရပါသည်။ ၄င်းသည် လွှတ်တော်ကိုယ်စားလှယ်ဖြစ်သွားပါက ကျွန်မ၏ အမှုအတွက်များစွာ နစ်နာနိုင်သည့် အနေအထားရှိပါသည်။ တရားစွဲဆိုခြင်းအား ဆက်လက်ပြုလုပ်နိုင်ရန်လည်း အခက်အခဲများ ကြုံနိုင်ပါသည်။

သို့ဖြစ်၍ အမျိုးသမီးတစ်ဦးအပေါ် တာဝန်မဲ့ဆောင်ရွက်ခဲ့သော ဦးမြစိန်နှင့်ပတ်သက်၍ လိုအပ်သလို စုံစမ်း စစ်ဆေး အရေးယူပေးနိုင်ပါရန် တိုင်ကြားအပ်ပါသည်။

လေးစားစွာဖြင့်
မစန်းစန်းအေး၊ အမှတ် (၁၀၅)
အနော်မာ(၁၀)လမ်းအနောက်၊

ဖြန့်ဝေခြင်း
၁။ ဦးဥာဏ်ဝင်း (အတွင်းရေးမှူးအဖွဲ့ဝင်)
အမျိုးသားဒီမိုကရေစီအဖွဲ့ချုပ်
၂။ ဗဟိုအလုပ်အမှုဆောင်အဖွဲ့ (အမျိုးသားဒီမိုကရေစီအဖွဲ့ချုပ်)
၃။ ဘဒ္ဒန္တတိလောကာဘိဝံသ (ဥက္ကဋ္ဌ)၊ မဘသ အဖွဲ့ (ဗဟို)
ရွာမပရိယတ္တိစာသင်တိုက်၊ အင်းစိန်။
၎။ ဆရာဦးအေးပိုင် (အမျိုး ဘာသာ သာသနာ စောင့်ရှောက်ရေးအဖွဲ့၊ ဥပဒေအကြံပေး)