ဤစာမူသည် အမျိုးသားရေးဝါဒီဆရာတော် အရှင်ဝီရသူ မြစ်ကြီးနားထောင်မှာနေရစဉ် ထောင်ဝင်စာ လာတွေ့သော တပည့်လေး အရှင်သုမင်္ဂလထံရေးပို့သောစာမူဖြစ်ပါသည်။ အပတ်စဉ်ဖော်ပြသွားပါမည်။
အယ်ဒီတာအဖွဲ့
ဘုန်းကံကြီးသော ၂၉၅
အရက်မှုနဲ့ကျတဲ့ '၂၉၅' တွေကို ပြောရင်းနဲ့ တစ်ဆက်တည်းဆက်ပြောဦးမယ်။ ဘုန်းဘုန်းတို့ မစိုးရိမ်တိုက်သစ်၊ ဝေဒဂူကျောင်းက '၂၉၅' တစ်ပါး ရောက်လာသေးတယ်။ သူလည်း မူးဆူပဲ။ အမှုဖြစ်တော့ နေရပ်လိပ်စာအမှန်ကို မပြောရဲဘူး။ ဆရာတော်ကြီး ဦးရာဇသိသွားရင် နောင်ကြဉ်အောင်ဆိုပြီး မှတ်လောက် သားလောက်အောင် ချခိုင်းမှာစိုးလို့တဲ့။ စစ်ကိုင်းလိပ်စာပဲ လွှဲပေးထားတယ်လို့ ပြောပြနေတယ်။
သူကတော့ '၂၉၅' တွေထဲမှာ အပြည့်စုံဆုံးနဲ့ အသက်သာဆုံးပဲ။ ထောင်ဝင်စာလည်း လာတယ်။ ထောင်မှူးတစ်ယောက်နဲ့ အမျိုးတော်လို့လည်း အလုပ်သက်သာတဲ့ နေရာမှာနေရတယ်။ ထောင်မှူးရုံးမှာနေ၊ စာရင်းလေး၊ အင်းလေး ရေးမှတ်တွက်ချက်ပေးရုံပါပဲ။ တခြား '၂၉၅' တွေလိုလည်း အိပ်ဆောင်မှာ မနေရဘူး။ သီးသန့်အကျဉ်းသားတွေနဲ့ အတူနေရတယ်။ ရှေးဘုန်းရှေးကံ ကြီးမားသူပေါ့နော်။
သူနဲ့တွေ့ရ ဆုံရပုံကလည်း အတော်ဆန်းတယ်။ သီးသန့်မှာ ဝေဒဂူမှ မူးဆူတစ်ပါးရောက်နေ တယ်ဆိုတာကိုတော့ ဘုန်းဘုန်းက ကြားပြီးသားပေါ့။ ဒါပေမဲ့ သူမှန်းမသိပါဘူး။ သူက ရုံးစာရေးဆိုတော့ စာရွက်စာတမ်းလေးတွေကိုင်ပြီး လာတတ်တယ်လေ။ မိန်းဂျေးလ်က ဆရာကြီးတွေပဲထင်တာပေါ့။ သူက ဘုန်းဘုန်းမှန်းသိလျက်နဲ့ နှုတ်မှမဆက်ပဲကိုး။
တစ်နေ့မှာ ဘုန်းဘုန်းတို့ ရယ်စရာမောစရာတွေ ဝိုင်းဖွဲ့ပြောနေကြတယ်။ တစ်ယောက်နဲ့တစ်ယောက် စကြ၊ နောက်ကြပေါ့။ ဘုန်းဘုန်းရဲ့ Life Style ကလည်း သိတယ်မဟုတ်လား။ ရယ်ရယ်မောမော ပျော်ပျော်ရွှင်ရွှင်၊ ပေါ့ပေါ့ပါးပါး သက်သောင့်သက်သာ နေလေ့ရှိတာကိုး။
မစိုးရိမ်မှာလို မျက်နှာထားတင်းတင်းကြီးနဲ့ မဟုတ်ဘူးလေ။ အဝတ်အစားကိုလည်း သူများတွေလို အရပ်ဝတ်တို့၊ ထောင်ပုံစံတို့ ဝတ်တာမဟုတ်ဘဲ။ အပေါ်ရုံအဖြူ၊ သင်ပိုင်အဖြူနဲ့ဆိုတော့ ဖိုးသူတော်လိုလို၊ ဘိုးတော်လိုလိုပေါ့။ သူကအဲဒါကို အသေအချာစိုက်ကြည့်ပြီး အကဲခတ်နေတာ။
နောက်တော့ ဘုန်းဘုန်းကပဲ စပြီးနှုတ်ဆက်လိုက်တယ်။ အဲဒီတော့မှ သူမှန်းသိရတော့တာ။ သူဟာ မူးဆူနဲ့ ကျလာတာကို ဝန်ခံရဲတယ်။ နေရပ်လိပ်စာကို အမှန်အတိုင်းထုတ်ဖော်ပြောရဲတယ်။ ဒါကိုတော့ ချီးကျူးရမယ်နော်။
ယော ဗာလော မညတိ ဗာလျံ၊ ပဏ္ဍိတော ဝါပိ တေနသော။
ဗာလောပိ ပဏ္ဍိတမာနီ၊ သ ဝေ ဗာလောတိ ဝုစ္စတိ။
'လူမိုက်ဟာ မိမိကိုယ်ကို မိမိ လူမိုက်မှန်းသိသွားပြီဆိုရင် ပညာရှိလို့ ခေါ်နိုင်ပြီ။ လူမိုက်ဟာ မိမိကိုယ်ကို မိမိ ပညာရှိလို့ ထင်နေမယ်ဆိုရင်တော့ လူမိုက်လို့ပဲ ဆိုရမယ်' လို့ ဓမ္မပဒမှာ ဘုရားဟောထားတယ် မဟုတ်လား။
'ကိုယ်နေရာ မကျတာကို နေရာ မကျဘူးလို့သိရင် နေရာကျပြီတဲ့။ ကိုယ်နေရာမကျတာကို နေရာကျ တယ်ထင်နေရင် နေရာမကျသေးဘူးဗျ' ဆိုတဲ့ ဝေဘူဆရာတော်ကြီးရဲ့ သြဝါဒကလည်း ဒီသဘောပဲလေ။
လူဆိုတာ ကိုယ့်ဘဝအမှန်ကို အရှိအတိုင်း သိနေဖို့လိုတယ်နော်။ ဒါမှလဲ ဆိုးတဲ့လူက ကောင်းလာမှာ ဖြစ်ပြီး၊ ရိုင်းတဲ့လူက ယဉ်လာမှာဖြစ်တယ်။
အဲဒီ မူးဆူ'၂၉၅'လေးကတော့ ရှေးဘုန်းရှေးကံကြီးသူဖြစ်လေတော့ သူ့အတွက် ဘာမှတောင်လုပ်မပေးခဲ့ ရပါဘူး။ သူနဲ့ပြောကြည့်မှပဲ စာသင်သား ရဟန်းပျိုလောကမှာ အရက်အတော်ခေတ်စားနေကြောင်း သိရတော့တယ်။ အရက်နဲ့ရဟန်းဆိုတာ ဘယ်လိုမှကို မအပ်စပ်တဲ့ အရာပဲနော်။ စာသင်သားဘဝမှာ ညစာခိုးစားတာကို ခွင့်လွှတ်နိုင်သေးတယ်။ အရက်ကိုတော့ ဘယ်နည်းနဲ့မှ ခွင့်လွှတ်နိုင်ကြတာ မဟုတ်ဘူး။ အပျော်သဘောနဲ့ပဲဖြစ်ဖြစ်၊ ဗဟုသုတ သဘောနဲ့ပဲဖြစ်ဖြစ်၊ မြည်းစမ်း ကြည့်တာမျိုးတောင် မလုပ်သင့်တဲ့ အရာပါ။
ခွေးဝက်တွေနဲ့ မစင်ကမှ အပ်စပ် သေးတယ်။
ရဟန်းနဲ့ အရက်ကဘယ်လို မှကို မအပ်စပ်တာ။
မစင်တွင်းနဲ့ လောက်ကောင်တွေကမှ လိုက်ဖက်သေးတယ်။
သာသနာတော်နဲ့ အရက်က ဘယ်လိုမှကို မလိုက်ဖက်တာပဲ။
ရဟန်းပျိုတွေလည်း ကိုယ့်ဘဝမှန်ကို အရှိအတိုင်းသိဖို့ လိုနေပြီနော်။ မစင်တွင်းထဲက ပိုးလောက်လား၊ ထီးတော်ထိပ်က စိန်ဖူးတော်လားဆိုတာ ခွဲခြားတတ်ဖို့ လိုလာပြီမဟုတ်လား။
ဦးဦးဖျားဖျား သုံးဆောင်၊ ကောင်းမွန် မြင့်မြတ်တဲ့နေရာမှာ နေထိုင်ရသူ ဖြစ်ပါလျက် မြင့်မြတ်တဲ့အကျင့်ကို မကျင့်ဘဲ၊ အပျော်ကြူးသူတွေလိုပဲ ပျော်ပါး သောက်စားနေမယ်ဆိုရင်တော့ သမဏ မဟုတ်တော့ဘဲ စဏ္ဍာလ အသွင်ကို ဆောင်လာပြီလို့ မှတ်ရတော့မှာပေါ့။ ထောင်ထဲမှာ အဲဒီလို သင်္ကန်းဝတ် အလှူခံ ပျော်ပါး သောက်စား မူးရူး ရမ်းကားလို့ ကျလာတဲ့ ရဟန်းတု စဏ္ဍာလတွေ အများကြီးပါပဲ။
ကိုယ်ဟာ အတုလား အစစ်လား၊ အတုဆိုရင် စဏ္ဍာလ၊ အစစ် ဆိုရင် သမဏ၊ သမဏဆိုရင် သမဏသိက္ခာတော့ ရှိဖို့ကောင်း တယ်နော်။
သမဏက စဏ္ဍာလလို နေမယ် ဆိုရင်တော့ ကာယကံရှင် ပုဂ္ဂိုလ်ရော၊ သံဃာ့အဖွဲ့အစည်း တစ်ရပ်လုံးရော၊ သာသနာတော် တစ်ရပ်လုံးပါ အထင်အမြင် အသေးခံရတော့မယ်နော်။ ဒါကြောင့် သာမန်ပြည်သူ မိကောင်းဖခင်သားသမီးတွေတောင် မသောက်စားတဲ့ အရက်သေစာကို ဘုရားသားတော်အဖြစ် ခံယူထားတဲ့ ရဟန်းသူတော်ကောင်းတွေက ပိုလို့တောင် ရှောင်ကြဉ်သင့်တယ်နော်။
ကိုယ်ကတောင်မှ လူငယ်လူရွယ်တွေ အရက်ကျေးကျွန်ဖြစ်မသွားအောင်၊ အရက်ရဲ့ဆိုးကျိုး၊ အရက်သမားဘဝရဲ့ အနိဋ္ဌာရုံနဲ့ နိမ့်ကျပုံတွေကို ပြောပြဟောပြပြီး ဆုံးမရမှာမဟုတ်လား။ အဲဒါကို ဘုရားအရေခြုံထားပြီး ထိပ်ဆုံးကမိုက်ပြနေတာ ဘယ်သင့်တော်ပါ့မလဲနော်။
'လူငယ်ပဲ'ဆိုတဲ့ ဆင်ခြေ၊ 'စာသင်သားပဲ'ဆိုတဲ့ အကြောင်းပြချက်၊ တစ်ခါတစ်လေပဲဆိုတဲ့ နားလည်မှု၊ 'ဗဟု သုတအဖြစ်' ဆိုတဲ့ ယုတ္တိတွေက အထွတ်အမြတ် ဦးထိပ်ထားကိုးကွယ်ရာ ရဟန်းဘဝနဲ့ ဘယ်လိုမှမလိုက်ဖက်ဘူးလေ။
ဒါကြောင့် ဘုရားသားတော်ဘဝကို ခံယူထားတဲ့ ရဟန်းပျိုတွေဟာ ဘုရားတားမြစ်ထားတဲ့၊ ဘုရားသာသနာတော်နဲ့ ဘယ်လိုမှမအပ်စပ်တဲ့ အဆိပ်ရည်တွေကို အပျော်သဘောနဲ့ပဲဖြစ်ဖြစ်၊ မြည်းစမ်း ကြည့်တဲ့အနေနဲ့ပဲဖြစ်ဖြစ် တစ်စက်ကလေးမှ မသောက်သင့်တဲ့အကြောင်း ထပ်လောင်းပြောပြနေခြင်း ဖြစ်ပါတယ်။
ဝီရသူ (မစိုးရိမ်)
22.12.2016 အတုမရှိဂျာနယ်
(ဆက်လက်ဖော်ပြပါမည်)
22.12.2016 အတုမရှိဂျာနယ်
(ဆက်လက်ဖော်ပြပါမည်)
